Aktuelles 

 Die Sänger und Sängerinnen vom Jodlerklub Könizbärg
wünschen Dir alles Guete im nöie Jaar


Zum nöie Jaar
Scho wider isch es Jaar verby!
Was wird üs ds Nöie bringe?
Wird's nothaft oder glückhaft sy,
zum Brieggen oder Singe?

Mög's böser oder besser sy:
Der Muet nid la erchalte!
Mir wei üs luege z'schicke dry
u wei üs tapfer halte!

Was ds Schicksal üs halt uferleit,
tuet nid alleini zelle,
druf ab chunnt's, wi me d'Burdi treit
u tuet der Chittel schtelle!

So gaa mer früsch uf d'Wanderschaft,
mit Hoffe u Vertroue!
U bäte um gnue Seelechraft,
für wacker düre z'houe!

Simon Gfeller